第六堂麵包班：丹麥條，號角包及牛油千層

包酥皮好緊張呢！可能是師傅怕我們失敗, 浪費材料.  整號角包就好好玩又有成功感！因不是用牛油, 酥皮比街賣的少一份油膩，是好吃但不夠鬆。

材料:
高筋粉 500g
奶粉 20g
水260g
酵母20g
雞蛋1.5隻
糖 25g
牛油50g
鹽 10g
酥油pastry margarine 180g (夾油用) (用牛油的話可能會比較易失敗因會溶. 要開大冷氣及手腳好快先得.)

1.先搓好麵團至少許筋性及滑身.  放雪櫃發酵約一小時.
2.麵團用棍輾開至長方形, 要不時拉四個角.  由中間位向上/下/左/右輾開, 要邊灑粉, 尤其覺得不能輾開時.
3.酥油要用棍壓開壓平.
4.麵團要比酥油大1/3.
5. 放酥油在麵團的左邊.  右邊特出沒酥油的1/3摺向左邊.  左邊再摺向右.
6. 用棍把酥油麵團輾開至長方形, 要不時拉四個角.  由中間位向上/下/左/右輾開, 要邊灑粉, 尤其覺得不能輾開時.
7.輾開夠大時再如5.的摺
8. 重覆6及7.
9. 摺到第三次就再輾開至長方形, 放雪櫃約30分鐘.
10.  每摺一次時也先可放雪櫃約30分鐘.

牛油千層
把麵團輾開至4-5 cm.  用刀切成小正方形, 垂直放入有紙杯再入焗杯.  再發酵30分鐘.  掃雞蛋液, 200度焗15分鐘

號角包
用刀切成長條形, 號角模先搽油, 斜捲上號角模, 麵團要少少交叠.  再發酵30分鐘.  掃雞蛋液, 200度焗20分鐘.  出爐後取出模, 放涼可唧入鮮忌廉或custard或其他.

丹麥條
用刀切成長條形.  把麵團放横左右各轉, 然後圈成一圈再轉.  可加提子.  再發酵30分鐘.  掃雞蛋液, 200度焗20分鐘.  可掃黃梅醬.