對話

當他或我要到外地時, 都會有以下對話.

"你會不會掛住我架?"

"會啦" (語氣是很沒感情的! 是求其答那種!)

"哇, 俾多少少感情得唔得??"

"會啦!!!!" (要求之下是有加多幾錢肉緊的!)

其實我不知何故總會問這個問題喎. 平常好少會這樣問. 在不在港好些時候都應該會掛住才對. 為何要等對方不在港時才特別牽掛呢??? 是因為走遠了才突顯思念???

有些時候, 都是因為一方離港回來後關係變得更密切了.


************************************************************************************

"我有無肥左?"

"無呀, 做咩咁問?"

"睇下你覺得係咪仲係好fit囉, 我而家係成世仔最肥! 從來無試過咁呢!"

"係咩?? 做咩會肥左呢咁?"

"而家好少游水呢."

"哦, 肥d好呀, 我鍾意你肥d, 多d肉. 嘿嘿, 你肥d咁我咪唔駛減肥囉, 我就唔驚會肥過你."

(初相識時, 我是瘦些, 那時他常提到他喜歡女人瘦, 不能接受女人比他胖, 但他是好鋼條的人喎. 好多時我在他身邊覺得自己胖囉! 我常問他如果我變得肥胖了, 他是不是可能就對我沒興趣?? 他只會答我還是比他瘦!)

(第一次見面的時候, 我們都是先留意到對方的身型! 他喜歡人骨感, 我喜歡有肌肉的的身型! 我們都是好膚淺的人們! 是相處下來, 發現他好多的優點!)

(嗯, 他就當然是發現我好多的缺點啦!)

"呀, 咁做咩唔係你減瘦d呢?"

"吓, 我要瘦d呀??? 我已經減得好辛苦架, 再減囉咁...."

(說得好委屈, 其實如果我是在減肥的話, 應該沒人在節食, 我日日食勁多嘢! 之前旅行係咁行係瘦左d, 但回港唔知做咩, 成日覺得好肚餓, 係咁食, 又脹番!)

"唔駛唔駛, 夠瘦了!"

(應該是怕跟我糾纏在這話題!)

我呢,好怕男人比我瘦, 腿呀腰呀比我的還要幼, 千萬別要那種著的skinny pants比我的還要窄的男生! 那時我常說他要增肥.

有時看回去年夏天的照片, 都會想"哇, 咩我個時咁瘦架?? 做咩而家咁肥既???"

(認識我真身的無須鼓譟, 我現只是看起來不算肥, 但其實好多肉!)